توعية صحية – مكافحة الكوليرا

مانشيت – أم درمان

دشنت وزارة الصحة ولاية الخرطوم وزارة الصحة ولاية الخرطوم اليوم حملة التطعيم بلقاح الكوليرا بتوفير أكثر من 2 مليون جرعة..

كالعادة التطعيم ما بيعني انك ما حتصاب بالكوليرا اذا ما التزمت بالإحترازات الصحية لكن لاقدر الله اذا حصلت إصابة بتقلل شدة المرض وفعالية اللقاح Evichol تقريبا 70 – 85٪ في الستة شهور الاولي وتقل تدريجياً حتي 50٪ لمدة سنتين..

اللقاح بسيط ياجماعة قطارة بالفم بتتاخد علي جرعتين بفارق زمني اسبوعين وهو آمن وفعال ومعتمد من الصحة العالمية واستخدم في عدد كبير من البلدان، اقصي الآثار الجانبية ممكن يكون الم في البطن او امساك او اسهال بسيط واحيانا صداع وفتور وكلها اعراض يوم يومين وبتروح..
.
اللقاح مجاناً وبتاخد كرت عند الحصول على الجرعة الاولي تحدد فيها تاريخ الجرعة التانية وحيتوفر في المراكز الصحية وحملات التطعيم عبر الجولات الميدانية..
ماننسي انو النظام الصحي يعيش انهيار مريع او في الحقيقة هو ماعايش أصلا…

ماننتظر المرض يجينا نمشي ناخد اللقاح ونحمي نفسنا..!
التطعيم ما بيكلفك شي لكن الكوليرا ممكن تكلفك مالك، صحتك وحتي حياتك..!

الصحة مسئولية الجميع